Enpleguaren arloan, lana aurkitzeko zailtasun handiena duten pertsonak lan-merkatura hurbiltzen ditugu, eta haien enplegugarritasuna hobetzen dugu, haien lanbide-gaitasunak sendotuz, lanpostu bat lortzeko aukerak indartuz eta enpleguan aukera eta tratu berdintasuna sustatuz. Ibilbideen bidez (eskatzailearen enplegugarritasunaren bila laguntzea), pertsonek lana bilatzeko dituzten indarguneak eta ahulguneak aztertzen dira, bai eta pertsona horiek beren gizarte eta lan ingurunean dituzten oztopoak eta aukerak ere, pertsona bakoitzaren enplegugarritasun profila taxutzeko. Era berean, “Enplegua lortzeko berariazko neurriak” programaren bidez, lan-merkatuan sartzea zailtzen duten alderdi zehatzak lantzen dira, horiek oro indargune bihurtzeko. Adibidez, gaitasun digitalak, CV dinamikoak, prestakuntza kualifikatua, gaitasun-trebetasunak hobetzea, etab.
Boluntarioen eginkizunak honako hauek izango lirateke:
- Lan orientabidea.
- Lan eskaintzen eta eskaeren jarraipena egitea.
- Hasierako eta jarraipena egiteko elkarrizketak.
- Zentroekin eta enpresekin harremanetan jartzea.
- Prestakuntza eta lan arloko aholkularitza.
- Enplegua bilatzeko espazioa: orientazioa enplegu-atarietan.
- Dokumentazioa bideratzea, CVa egitea, tresna digitalak erabiltzen laguntzea,…
