Esku-hartze psikologikoa, soziala eta juridikoa egitea, sexu esplotaziorako prostituzio eta salerosketa egoeran dauden emakumeei.
Helburu orokorra:
- Emakume prostituituei, salerosketa edo sexu esplotazioan daudenei irtenbidea ematea dauden egoera kaltebera horretatik ateratzeko.
Berariazko helburuak:
- Kalitatezko profesional erreferenteak izatea sexu esplotaziorako prostituzio eta salerosketa egoeran dauden emakumeentzat.
- Erabakiak hartzen laguntzea sexu esplotazioaren eta/edo sexu salerosketaren bitikma diren emakumeei.
- Emakumeei gizarte arloko laguntza, informazioa eta aholkularitza ematea.
- Etxebizitzetako esku- hartzean parte hartzea, emakumeekin telefono bidez harremanetan jartzea, baliabide eta erakundeetara joaten laguntzea, berariazko tailerrak ematea (boluntario bakoitzaren prestakuntzaren arabera), lan-munduan sartzeko aholkularitza eta ibilbide integralak, etab.
- Salatzea eta esku hartzea taldeek sexu-salerosketako eta sexu-esplotazioko delituak atzematen dituzten kasu argietan.
- Programaren estaldura zabaltzea.
- Programaren bidez, era aktiboan parte hartzea prostituzioaren errealitateari buruzko sentsibilizazio, prestakuntza eta eragin sozial
eta politikoko ekitaldi eta jardueretan, sexu- esplotaziorako emakumeen salerosketa argi eta garbi sustatzen duen genero-indarkeria gisa. - Esku-hartzea:
Programa hau «Outreach» edo irismeneko esku-hartze metodologiaren bidez diseinatzen eta gauzatzen da. Metodologia horretan, profesionalak zuzentzen dira dira xede-biztanleriaren agertokietara (espazio publikoak, hala nola kaleak, poligonoak, parkeak eta abar, edo espazio pribatuak, hala nola klubak, pisuak…). Xedeak dira bazterkeria-egoeran eta gizarte-kalteberatasuneko egoeran dauden pertsona horiek aurkitu, haiekin harremanetan jarri eta esku hartzea. Biak dira bere ezaugarriak.
Boluntarioek berariazko prestakuntza jasoko dute egin beharreko lanak ahalik eta hobekien egiteko.
