2024. urtearen amaiera honetan, Batekin agentziatik Gasteizko eta Arabako ikastetxeetan sentsibilizazio-tailerrak egiten jarraitzen dugu. Gure helburua da ikasleek, gaztetatik, mundua pentsamendu kritikoz aztertzeko espazioak sortzea, eta, aldi berean, elkartasuna eta justizia soziala bezalako balioak barneratu ditzatela.
Azken 3 hilabete hauetan, 5 ikastetxek aukera eman digute beren ikasleekin batera “Zure auzoa ere bada” eta “Begiraldatu” tailerrak aurrera eramateko. Proiektu biak Gazteria Zerbitzuarekin eta Gasteizko Udaleko Herritarren Partaidetzarako Zerbitzuarekin lankidetzan burutzen ditugu.
Hainbat jarduera egiten ditugu, 4 saiotan banatuta, hainbat erakunde eta gizarte-eragileren lankidetzarekin batera. Ikasleek gertuko testuinguruetan esku-hartze aktiboan parte har dezaten espazioak sortzen laguntzen dute.
Hauek dira laguntzeko prest agertu diren agenteetako batzuk: Vivir con voz propia, Odol Emaileak Euskadi, Agure Adinekoen Egoitza, Eginaren eginez, Ehunbide, Talur, Gao Lacho Drom ijito-elkartea, Down Araba, Bizan Sansomendi, Adurza Zentro Okupazionala eta Los Molinos etxebizitza komunitarioa.
Batekin taldearen partetik, proposatutako jarduera guztietan parte hartu duzuen guztioi eskerrak eman nahi dizkizuegu, ezinbestekoa izan den laguntza eta konfiantza emateagatik.
Eskerrik asko bihotz-bihotzez!
Jarraian, azken 3 hilabeteetan egindako ekintzen hainbat irudi biltzen dituen album bat erakutsiko dizuegu.
