Astelehen honetan, azaroaren 27an, “Boluntariotza behar bezala izateko baldintzak” gaiari buruzko prestakuntza egin dugu Landatxoko Gizarte Etxean, HEI Herritarren Eskola Irekiarekin batera.
Tailer honetan Euskadiko Hirugarren Sektoreko Erakundeen Errolda eguneratzeari eta Boluntariotzaren Euskal Legeari buruzko hainbat gaiaz aritu ginen: boluntarioen eta erakundeen eskubideak eta betebeharrak, boluntariotza duten erakundeentzako laguntza- eta aholkularitza-baliabideak, etab.Sarrera honen bidez, saioan landutako materiala helaraziko dizuegu.
Eskerrik asko parte hartu zenuten erakunde guztiei!
requisitos-para-tener-el-voluntariado-en-regla-en-euskadi
Planteatutako zalantzak:
- Noiz arte gorde behar dira boluntarioen datu pertsonalak?Fundazioak eta elkarteak behartuta daude kapitalak zuritzeari aurrea hartzera. Hori dela eta, apirilaren 28ko 10/2010 Legearen arabera (10/2010 Legea, kapitalak zuritzea eta terrorismoa finantzatzea prebenitzekoa), behartutako subjektuek 10 urtez gorde behar dute legean ezarritako betebeharrak betetzen direla egiaztatzen duen dokumentazioa, eta, ondoren, ezabatu egingo dituzte. Negozio-harremana amaitzen denetik edo noizbehinkako eragiketa gauzatzen denetik 5 urte igaro ondoren, gordetako dokumentazioa betebeharpeko subjektuaren barne-kontroleko organoek soilik eskuratu ahal izango dute.
- Adingabeekin ohiko harremana izanez gero, zenbatean behin eskatu behar da sexu-deliturik ezaren ziurtagiria?Justizia Ministerioaren arabera, ziurtagiriak balio iraunkorra du; hau da, ez du iraungitze-datarik, gerora sexu-delitu bat egin izanaren arrazoizko zantzuak daudenean izan ezik; kasu horretan, beharrezkoa izango da berritzea. Beraz, erakundeak berak markatuko du irizpidea.
- Elkarteok obligazioa al dugu boluntarioei akreditazio-txartela egiteko?Ez dago, berez, akreditazio-txartela egiteko betebeharrik, baina oso erabilgarria izan daiteke sartzeko baimena behar duten lekuetan (ospitaleetan, adibidez) boluntarioak egiten dituztenentzat.
Laguntza-materialak:
Erabilitako laguntza-materialak hemen daude.
