El Avecindario de Laudio

Atsegin handiz gonbidatzen zaituztegu irailaren 23an “El Avecindario de Laudio” jaietako ekitaldira.Laudioko AUZABEZEA herritarren sentsibilizaziorako ekimena da, eta guztiok daukagun erronka agerian jartzea du xede, hau da, auzo eta udalerri solidario, enpatiko eta zaintzaileak sortzea.

Antzinako “auzoteria” berreskuratzea, bertan auzokoek, tokiko merkataritzak, eskolak, farmaziak eta zenbait eragilek babes-sare handia eskaintzen zutelako, jendeak lagunduta zegoela eta baliotsua zela sentitu zezan.

Bakardadeari aurre egitea erronka zaila da, bizi-zikloko edozein etapatan gertatu daitekeen banakako esperientzia subjektiboa da-eta. Arrunta da bakardadea zahartzaroarekin lotzea, oro har, haien babes sozialerako sareen murrizketa eta isolamendu sozial handiagoa sustatzen dituzten egoeren eraginpean daudelako adinekoak.

Urteen joan-etorrian, saihestezina da galera nabariak edukitzea: lagun maiteak, lana, osasuna, autonomia… Inguruabar horien guztien ondorioz, isolamendu soziala areagotu egiten da, eta, horregatik, errazago agertu edo handitu daitezke bakardade-sentipenak. 
Proiektu hau “Araba PREST” Nahi Gabeko Bakardadearen aurkako Estrategiaren barruan dago kokatuta, eta Arabako Foru Aldundiak zuzentzen du, Laudioko Udalaren lankidetzarekin.Elkarrekin, gure auzabezearen balioak eraikitzen ditugu.


Noticias relacionadas

Hitzaldia: “Oportunidades de voluntariado en Europa”Hitzaldia: “Oportunidades de voluntariado en Europa”

Nazioarteko boluntariotzan interesatuta zaude eta 30 urte baino gutxiago dituzu? Kaebnai nazioarteko mugikortasunerako erakundeko Jorge Sáez Martínezek Europako hainbat proiektutara boluntario gisa joateko aukerak hurbilduko dizkigu. Data: 2022ko martxoaren 18an Ordua: 17:30ean Iraupena: gutxi gorabehera 90 min. Hizkuntza: gaztelaniaz. Lekua: Gazte Informaziorako Bulegoan. Espainia plaza

Hautazko kredituen aitorpena elkartasun eta lankidetza jardueren bidez (EHU)Hautazko kredituen aitorpena elkartasun eta lankidetza jardueren bidez (EHU)

Zientzia eta Gizarte Garapenaren eta Transferentziaren arloko errektoreordeak kudeatutako edo bermatutako elkartasun eta lankidetza jardueretan parte hartu izana aitortzeko, kreditu bat onartzen da 30 orduko arduraldi bakoitzeko eta 6 kreditu, gehienez, ikasketa planaren osotasuna kontuan hartuta. Eskaerak aurkezteko epea ekainaren 5etik 16ra.