Inoiz pentsatu al duzue zuen proiektua mundu guztiarentzat irisgarria den?
Nola ziurtatzen duzue edo zer neurri hartu dituzue zuen proiektua hainbat pertsona-talderentzat inklusiboa izan dadin?
Zuen ustez, ba al dago oztoporik zenbait taldek zuekin parte hartzea eragotz lezakeenik?
Batekin-en, ECOMekin lankidetzan, prestakuntza-saio bat antolatzen ari gara “Boluntariotzako talde inklusiboak boluntariotzaren fase guztietan kudeatzeko tresna praktikoak: erakartzea, harrera, hautaketa, sartzea, jarraipena eta deslotura”.
Ecom Kataluniako mugimendu bat da, desgaitasun fisikoa edota organikoa duten pertsonek duela 50 urte baino gehiagotik sustatua, boluntariotza gizartea eraldatzeko aukera gisa ulertzen baitute. Hori dela eta, boluntario-talde askotariko eta inklusiboak kudeatzen esperientzia handia dutenez, prestakuntza-programa bat diseinatu dute.
Prestakuntza-programa horren barruan, honako eduki hauen berri ematen dute:
- Desgaitasunari, intersekzionalitateari eta diseinu unibertsalari buruzko funtsezko kontzeptuak.
- Desgaitasuna duten pertsonek aurkitzen dituzten zailtasunak
- Aniztasuna kudeatzeko tresnak eta estrategiak: irisgarritasun kognitiboa, fisikoa eta sentsoriala
- Komunikazio inklusiboa
Prestakuntza-saioa izango da: |
|
|
Asteartea, martxoak 4
12:00etatik 13:30era
Online
Anima zaitez parte hartzera eta haien esperientzia ezagutzera, otsailaren 28a baino lehen hemen uzten dizuegun formularioan izena emanez. |
|
