Boluntariotzaren Euskal Kontseilu Berria

Urtarrilaren 12an Boluntariotzaren Euskal Kontseiluaren osoko bilkura egin zen. Bertan, azken urteetan Kontseiluan parte hartu duten erakundeak eta pertsonak agurtu ziren eta 2022an karguak berritzeko prozesuaren ondoren etapa berri honetan parte hartuko duten erakunde berriei ongi etorri eman zitzaien.

Administrazioetako ordezkariez gain, datozen 4 urteetan Kontseiluan parte hartuko duten gizarte-erakundeak honako hauek dira:

  • Bosko Taldea Federazioa – Boluntariotzaren Euskal Kontseiluaren Lehendakariorde izango delarik
  • Miranda Fundazioa
  • Fevas-Plena Inclusión Euskadi
  • Euskalerriko Eskautak
  • Bilboko Elizbarrutiko Caritas
  • Nagusilan
  • Gipuzkoako Itxaropenaren telefonoa
  • Euskadiko Gurutze Gorria
  • Bizkaiko SECOT
  • Down Araba – Isabel Orbe
  • SOS Arrazakeria Gipuzkoa
  • DYA Gipuzkoa
  • AFARABA

Ekitaldi horren ondoren, atzo, Kontseiluko gizarte-erakundeekin lehen bilera egin zen, karguak eta Lan Talde Iraunkorreko kide izango diren pertsonak aukeratzeko. Lantalde horrek eginkizun garrantzitsu hauek ditu:

  • Kontseiluaren etengabeko dinamizazioa eta jarraipena bermatzea.
  • Kontseiluaren Osoko Bilkuraren bilerak prestatzea. Horretarako, bileretarako gai-zerrenda finkatzeko aholkua emango dio Kontseiluko lehendakariari, eta Osoko Bilkuran aztertu beharreko gaiei buruzko aurretiazko txostenak prestatuko ditu.
  • Kontseiluaren Osoko Bilkuraren erabakiak betetzen direla zaintzea.
  • Erabakiak hartzea proposatzea.
  • Osoko bilkurak agintzen dizkion gaiak aztertu, izapidetu eta ebaztea.
  • Kontseiluak espreski agintzen dizkion lanak.

Lan talde iraunkorra osatzen duten erakundeak honako hauek dira:

  • Bosko Taldea Federazioa –Kontseiluaren Lehendakariorde izango delarik.
  • Euskalerriko Eskautak
  • Bilboko Elizbarrutiko Caritas
  • Bizkaiko SECOT

Era berean, lana errazteko eta arintzeko, hainbat lan-batzorde osatu dira. Batzorde horiek Boluntariotzaren Euskal Estrategiak ezartzen dituen proiektuei lotutako zeregin zehatzagoak hartzen dituzte beren gain, hala nola Didaktika, Komunika, SKVL, Bherria, Re-compensa eta abar.

Lan-batzorde horiek interesa izan dezaketen pertsonek eta erakundeek parte har dezaten irekita daude; parte hartu nahi baduzu, edozein boluntariotza-agentziarekin harremanetan jar zaitezke.


Noticias relacionadas

Gasteizko ikastetxeetan partaidetza soziala sustatzen jarraitzen dugu!!Gasteizko ikastetxeetan partaidetza soziala sustatzen jarraitzen dugu!!

2023-2024 ikasturtean, Batekin Gasteizko hainbat ikastetxetan aritu gara lanean, gazteek hausnarketaren bidez jarrerak eta ezagutzak berreraikitzeko espazioak sortzeko. 10 ikastetxek baino gehiagok ateak ireki dizkigute ikasleei gure bi sentsibilizazio-proiektuak ezagutarazteko: Begiraldatu eta Zure auzoa ere bada. Gasteizko Udaleko Gazteria Zerbitzuarekin

Euskadin “boluntariotza behar bezala izateko baldintzak” gaiari buruzko prestakuntzaEuskadin “boluntariotza behar bezala izateko baldintzak” gaiari buruzko prestakuntza

Astelehen honetan, azaroaren 27an, “Boluntariotza behar bezala izateko baldintzak” gaiari buruzko prestakuntza egin dugu Landatxoko Gizarte Etxean, HEI Herritarren Eskola Irekiarekin batera. Tailer honetan Euskadiko Hirugarren Sektoreko Erakundeen Errolda eguneratzeari eta Boluntariotzaren Euskal Legeari buruzko hainbat gaiaz aritu ginen: boluntarioen

IV. Boluntariotza azokaIV. Boluntariotza azoka

IV. Boluntariotza azoka iritsi da! Elkartasunaren baloreak zabaltzea eta gizarte-partaidetza bultzatzea dira, bere laugarren edizioan, ekitaldi honen helburuak.   Irailaren 18an Boluntariotzaren IV. Azoka hasiko da. Goizeko 11etatik Gasteizko 35 elkartek euren boluntariotza programak kontatuko dituzte eta sentsibilizazio ekintza ezberdinak