Joan den ostegunean Arabako Gurutze Gorriak antolatutako jardunaldi interesgarri batean izan ginen, “Boluntariotza eta Gazteen Partaidetza” gaiari buruz hitz egiteko.
Oso gune aberasgarria izan zen, non hainbat elkarte edo erakundetako pertsonek gure lurraldeko gazteek nola eta zenbat parte hartzen duten hausnartu eta ezagutu ahal izan genuen.
Ikerketa baten datuak ezagutu genituen Gurutze Gorriaren eskutik, eta erakunde horretan bertan boluntariotza egiten duten gazteen testigantzak. Baita EGKren (Gazteriaren Euskal Kontseilua) ikuspegitik ere.
Eskerrak eman nahi dizkiegu parte hartzaile guztiei eta Gurutze Gorriari bereziki gune aberasgarri hau antolatzeagatik!
